Kupa e Shqipërisë/Pa fitues ndeshja mes Dinamos dhe Partizanit

Futboll

Kupa e Shqipërisë/Pa fitues ndeshja mes Dinamos dhe Partizanit

Më: 27 janar 2022 Në ora: 18:57
Foto ilustrim

Ka përfunduar ndeshja e fundit e programit të sotëm të Kupës së Shqipërisë, në të cilën nuk është caktuar fituesi.

Pas plot 90’ minutave lojë të zhvilluara, skuadra e Dinamos ka barazuar në ndeshjen e parë të çerekfinales së kësaj gare si vendase me rezultat 1:1 me Partizanin, përcjell KosovaPress.

Fillimisht, ishte skuadra e Partizanit ajo e cila e zhbllokoi rezultatin e para, ku sulmuesi 21 vjeçar Tedi Cara shënon për 1:0 në minutën e 24’.

Golin e fundit të ndeshjes dhe të barazimit për skuadrën e Dinamos e shënoi mesfushori Agim Ibraimi, i cili shënon për 1:1 në minutën e 43’.

Ndeshja e parë e çerekfinales mes këtyre dy skuadrave përfundon e barabartë 1:1, kurse ndeshjen e kthimit, ku Partizani do të jetë vendas, do ta zhvillojnë më datën 9 shkurt me fillim nga ora 13:30.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat