Barcelona ofron 32 milionë euro për Lewandowskin

Futboll

Barcelona ofron 32 milionë euro për Lewandowskin

Më: 22 maj 2022 Në ora: 14:06
Barcelona ofron 32 milionë euro për Lewandowskin

Sipas mediave gjermane, gjiganti spanjoll i futbollit Barcelona është gati t’i paguajë 32 milionë euro dëmshpërblim kampionit gjerman Bayern për sulmuesin polak Robert Lewandowski.

Kontrata e Lewandowskit me Bayernin skadon vitin e ardhshëm dhe ai tashmë e ka njoftuar klubin se nuk ka ndërmend të vazhdojë kontratën, përcjell GazetaBlic Sport.

Në fillim të kësaj jave, mediat spanjolle zbuluan informacione se Bayern do të pranonte të shesë Lewandowski për 35 milionë euro, megjithëse presidenti ekzekutiv i gjigantit bavarez Oliver Kahn tha së fundmi: “Lewandowski ka një kontratë deri në verën e vitit 2023 dhe do ta përmbushë atë kontratë”.

Lewandowski mbërriti në Bayern në 2014 nga Borussia Dortmund dhe ishte golashënuesi më i mirë në Bundesligë gjashtë herë gjatë tetë sezoneve të tij në Mynih, duke shënuar 238 gola në ligë në 253 paraqitje dhe duke shënuar gjithsej 344 gola për Bayernin në 375 ndeshje në të gjitha garat.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat