Ofron 12 milionë euro për shqiptarin e Kosovës

Futboll

Ofron 12 milionë euro për shqiptarin e Kosovës

Më: 29 qershor 2022 Në ora: 14:39
Vedat Muriqi

E ardhmja e Vedat Muriqit është duke qëndruar ende pezull.

Pasi e mbylli huazimin gjashtëmuajsh në Mallorca, sulmuesi kosovar është rikthyer përkohësisht në Lazio.

E themi këtë pasi klubi italian nuk e ka ndërmend ta mbajë atë më në ekip pas eksperiencës dëshpëruese që e pati për një vit e gjysmë në kryeqytetin italian.

Dhe, interesimi i klubeve evropiane për 28 vjeçarin nuk mungon.

Së fundmi, në garë për të është futur edhe klubi anglez, Hull City.

E përditshmja italiane “La Gazzetta dello Sport” raporton se klubi nga Championshipi anglez është i gatshëm t’i paguajë 12 milionë euro për përfaqësuesin kosovar, aq sa i kërkon Lazio për shitjen e kartonit të tij.

Por, do të jetë e vështirë të imagjinohet që prizrenasi do të pranojë të luajë në nivelin e dytë të futbollit anglez.

Ndërkohë, atë e do edhe Mallorca, ku la mbresa të mira për gjysmë viti, por që klubi spanjoll s’është i gatshëm ta paguajë shumën e kërkuar nga “Biancocelesti”.

Gjithashtu, interesim për sulmuesin shtatlartë, i cili i realizoi 5 gola dhe i bëri 3 asistime në 16 paraqitje me ekipin ishullor spanjoll në pjesën e dytë të sezonit 2021/22, kanë shfaqur edhe klubet turke.

Atë e do ish-klubi i tij, Fenerbahçe, e mbi të gjitha gjiganti tjetër nga Stambolli, Galatasaray.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat