Ferrieri Caputi – Gruaja e parë që gjykon ndeshjet e Serie A-së

Futboll

Ferrieri Caputi – Gruaja e parë që gjykon ndeshjet e Serie A-së

Më: 2 korrik 2022 Në ora: 09:48
Marie Sole Ferrieri Caputi

Marie Sole Ferrieri Caputi, tashmë edhe zyrtarisht është gruaja e parë që i bashkohet ekipit të gjyqtarëve, të cilat do të gjykojnë ndeshjet në sezonin 2022/23 që fillon në gusht.

Shoqata e gjyqtarëve në Itali (AIA) ka konfirmuar promovimin ne Caputit në Serie A, por historia e saj në gjykimin e ndeshjeve ka filluar shumë vite më parë.

Ishte viti 2007 kur Caputi iu bashkua AIA, duke gjykuar ndeshjet në ligat regjionale dhe provinciale.

Në vitin 2015, Ferrieri Caputi, filloi gjykimin e saj në nivelin më të ulët të futbollit profesionist në Itali, Serie D, kur vetëm 24 muaj më pas iu besua finalja e play-offit në këtë ligë ndërmjet Bari e Picernos.

Hapi i madh i saj në karrierë erdhi në vitin 2019, kur i gjykoi dy ndeshje kualifikuese në Kampionatin Evropian.

Në vitin 2020 u promovua në Serie C, për të kaluar shumë shpejt në Serie B dhe më vonë duke gjykuar një ndeshje në Kupën e Italisë, ndërmjet Cagliarit e Citadellas.

Promovimi i Ferrieri Caputit në Serie A është hap i rëndësishëm, i cili tregon rritje të diversitetit dhe përfshirjes në futboll.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat