Titullari i Kukësit i nënshtrohet operacionit, kur do rikthehet

Futboll

Titullari i Kukësit i nënshtrohet operacionit, kur do rikthehet

Më: 24 nëntor 2022 Në ora: 15:19
Titullari i Kukësit i nënshtrohet operacionit, kur do rikthehet

Portieri i Kukësit, Angelo Tafas i është nënshtruar një ndërhyrje kirurgjikale në menisk, pas një dëmtimi që ai ka pësuar në stërvitje. Gjithçka ka përfunduar me sukses, ndërsa periudha e rikuperimit për 22-vjeçarin pritet të zgjasë rreth dy muaj.

Me anë të një postimi në faqen zyrtare, klubi i Kukësit ka bërë të ditur për tifozët se “gardiani” Tafas pritet të rikthehet në skuadër në muajin janar.

“Portieri Angelo Tafas i është nënshtruar ndërhyrjes kirurgjikale në menisk, pas dëmtimit që ka pësuar pak ditë më parë në stërvitje. Gardiani i portës sonë e ka kaluar me sukses këtë sfidë dhe në janar pritet t’i bashkohet skuadrës . Rikthehu edhe më i fortë“.

Tafas ka qenë titullar i padiskutueshëm këtë sezon me verilindorët e Dobit. Ai ka luajtur 11 ndeshje të plota në kampionat dhe dy në Kupë. Vetëm në sfidën e fundit përballë Kastriotit, portieri nuk ishte pjesë e skuadrës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat