Nëse supozohej të ishte një provë e përgjithshme e… jetës pa Cristiano Ronaldo-n, rezultati nuk ishte emocionues. Manchester United u mund në provën e parë të grumbullimit dimëror ndaj Cadiz-it që Djajtë e Kuq po zhvillojnë në Spanjë në pritje të rifillimit të aktivitetit në Angli, tashmë të planifikuar për në 21 dhjetor me Kupën e Ligës.
Në daljen e parë, ndonëse jozyrtare, pas ndarjes nga sulmuesi portugez, skuadra e Ten Hag, e cila për fat të keq doli në fushë me një formacion të rimodeluar për shkak të mungesës së 14 lojtarëve të përfshirë në Botëror, u mund 4-2 duke pësuar dy gola në 15 minutat e para ndaj skuadrës së parafundit të La Liga-s, e aftë për të fituar vetëm dy ndeshje në 14 të parat e kampionatit dhe ekipi me sulmin më të keq në Spanjë me vetëm 9 gola të shënuar.
Me pak fjalë, një humbje e turpshme i justifikueshëm për formën e papërsosur pas pushimit, por që gjithsesi mund të shmangej nëse ke në fushë lojtarë si Wan Bissaka, Lindelof, McTominay, Van de Beek dhe Martial.
Kjo është arsyeja pse Ten Hag nuk ishte në gjendje të fshihte zhgënjimin e tij, si gjatë ndeshjes ashtu edhe në fund të saj. Gjatë ndeshjes, trajneri holandez ishte protagonist i një diskutimi të zjarrtë me trajnerin e Cadiz Sergio: ndërhyrja e gjyqtarit të katërt ishte e nevojshme për të ndarë të dy.
Dhjetë zëvendësimet e bëra nga ish-trajneri i Ajax-it pas 45 minutave të para nuk e ndryshuan drejtimin e ndeshjes, ndaj në fund të ndeshjes Ten Hag nuk e fshehu shqetësimin e tij me paraqitjen e skuadrës:
“Ne kemi fjetur 15 minutat e para. Të pësosh dy gola të tillë është e papranueshme për një skuadër si e jona. Është diçka që nuk duhet të ndodhë më”.
United do të presë Burnley-n në raundin e tretë të Kupës së Ligës më 21 dhjetor, ndërsa Premier League do të rifillojë në Boxing Day dhe Nottingham Forest do të mbërrijë në Old Trafford.
