Euro2024/ Italia kërkon pikët e para, Anglia dhe Portugalia luajnë për vazhdueshmërinë

Futboll

Euro2024/ Italia kërkon pikët e para, Anglia dhe Portugalia luajnë për vazhdueshmërinë

Më: 26 mars 2023 Në ora: 09:47
Italia

Kualifikueset e Europianit “Gjermani 2024” kanë hyrë në ditën e katërt, me Italinë, Anglinë dhe Portugalinë që “rrëmbejnë”skenën këtë të diel.

Pas suksesit në Napoli, Anglia pret në shtëpi Ukrainën, me këta të fundit që sonte debutojnë në Grupin C.

“Tre Luanët” kërkojnë suksesin e dytë, për të konfirmuar vazhdueshmërinë, ndërsa ukrainasit shohin përpara një duel shumë të vështirë, ndaj një kundërshtari të cilin nuk e mposhtin nga viti 2009.

Po në Grupin C, por në orën 20:45, Italia kërkon pikët e para, pas disfatës me anglezët.

Përballë është Malta, ndoshta kundërshtari i duhur për të rikthyer humorin, ndërsa edhe pse u mundën në Shkup ndaj Maqedonisë së Veriut, maltezët treguan nivel loje dhe shumë dëshirë.

Në Grupin J, në orën 20:45, Portugalia udhëton drejt Luksemburgut me misionin tri pikë.

Ronaldo me shokë shohin një tjetër sfidë ku mund të argëtohen, ashtu si tri ditë më parë përballë Lihteshtejnit.

commentFirst article
Sot mund të lexoni Shfletoni kopertinat