Liverpooli nuk është i interesuar të nënshkruajë me Andren të Fluminenses ose mesfushorin e Fulhamit Joao Palhinhan në afatin kalimtar të janarit.
Do të jetë një dritare e qetë transferimi e janarit për Reds, pasi ata nuk kanë gjasa të shkojnë pas yllit të Fluminenses, Andres, pavarësisht se ishin lidhur më parë me një lëvizje për lojtarin, sipas gazetarit Ben Jacobs.
Ai më tej pohoi se gjigantët e Premierligës nuk po ndjekin gjithashtu mesfushorin e Fulhamit Joao Palhinhan ose Piero Hincapies të Bayer Leverkusenit.
Besohej fuqimisht se skuadra e Jurgen Kloppit do të shkonte pas 22-vjeçarit Andres, i cili kërkohet edhe nga klube si Manchester Unitedi dhe Fulhami.
Vetë lojtari kishte shprehur më herët dëshirën e tij për t’u transferuar në Angli shumë shpejt teksa i tha “CBS Sports”, “Unë shikoj Premierligën dhe është një ëndërr e madhe të luaj atje.
Jam i fokusuar të përfundoj sezonin me Fluminensen dhe të realizojmë ëndrrën tonë për të fituar Kupën e Botës për Klube. Por ëndrra ime është e qartë, të jem një lojtar i Premierligës”.
