​Si shpjegohet ky reagim i Ancelottit pas golit të Bellingham?

Futboll

​Si shpjegohet ky reagim i Ancelottit pas golit të Bellingham?

Më: 22 prill 2024 Në ora: 10:19
Carlo Ancelotti

Carlo Ancelotti ishte njeriu më i qetë në “Bernabeu” mbrëmë kur Jude Bellingham shënoi një fitore të vonë kundër Barcelonës. Real Madridi i Ancelottit siguroi një fitore 3-2 ndaj rivalit të tyre të përhershëm Barcelonën të dielën falë një goli të vonë të Bellingham.

Reprezentuesi anglez gjeti rrjetën në minutën e 91-të duke i çuar të gjithë të këmbë në “Bernabeu”, përveç trajnerit të tyre.

Trajneri italian pothuajse nuk reagoi fare ndaj golit fitues të Bellingham dhe vetëm vazhdoi të ecte në vijën e anësore, ndërsa çdo anëtar tjetër i pankinës së Madridit vrapoi drejt fituesit të ndeshjes dhe lojtarëve të tjerë në fushë.

Ancelotti gjithashtu ndau një postim në X, të hënën në mëngjes.

“Javë e paharrueshme. Hala Madrid dhe asgjë më shumë”, ka shkruar ai.

Madridi e eliminoi Manchester Cityn nga çerekfinalet e Ligës së Kampionëve të mërkurën dhe është kryesuesi i tabelës së La Ligës, 11 pikë më shumë se Barcelona me gjashtë ndeshje të mbetura deri ën fund të kampionatit.

comment Për komente lëvizni më poshtë
Sot mund të lexoni Shfletoni kopertinat