Lamtumira me Real Madridin duket e qartë, por për Nachon ende nuk është i qartë ekipi i radhës.
Mbrojtësi iberik, në shënjestrën e Interit dhe jo vetëm, ka bërë të ditur se ka vendosur për fazën e re të karrierës së tij, pa dhënë megjithatë asnjë të dhënë:
“Nuk do të them asgjë sepse mendoj se nuk është momenti i duhur.
Për respekt për klubin dhe shokët e mi, mendoj se nuk është dita për të thënë nëse do të qëndroj apo do të shkoj.
“I vetmi që e di jam unë, – deklaroi ai në Radio Estadio, – dhe e vetmja gjë për të cilën po mendoj është finalja. Tashmë e kam vendosur. Të jesh kapiten është vërtet e veçantë. Pesha e të qenit kapiten nuk ndikon tek vendimi im.
“Kishte vite që nuk mbaja shiritin në krah dhe ndihesha ende i rëndësishëm për shokët e mi. Ky sezon ka qenë i shkëlqyer dhe kanë mbetur vetëm pak ditë për të vënë qershinë mbi tortë.
“Unë jam një person që merr vendime me shumë qetësi.
Unë kam nevojë për këtë qetësi, duhet të përfundoj sezonin dhe pastaj do të flas. Asgjë që ndodh në Champions League ose në Kampionatin Europian nuk do të ndryshojë vendimin tim”.
