Irlanda me trajner të ri, prezantohet 57-vjeçari islandez!
Heimir Hallgrímsson është trajneri i ri i Irlandës, konfirmoi këtë të mërkurë Federata e Futbollit të këtij vendi. 57-vjeçari islandez, kulmi i karrierës së të cilit ishte udhëheqja e ekipit të vendit të tij në Kupën e Botës 2018, do të synojë të kualifikojë irlandezët në Kupën e Botës 2026, një kompeticion në të cilin nuk kanë marrë pjesë që nga viti 2002.
Pas përvojave me kombëtaren islandeze dhe xhamajkane, Hallgrímsson do të drejtojë përfaqësuesen e tretë në karrierën e tij, gjithashtu me synimin për të marrë pjesë në Divizionin B të Ligës së Kombeve.
Hallgrímsson zëvendëson John O’Shea, i cili e kishte marrë përkohësisht këtë detyrë që nga shkurti, pasi kishte drejtuar skuadrën në një ndeshje miqësore me Portugalinë (3-0 për portugezët).