Milici serb e ndali shoferin e autobusit dhe bërtiste, ndërhyn Afrim Abazi!

Futboll

Milici serb e ndali shoferin e autobusit dhe bërtiste, ndërhyn Afrim Abazi!

Nga: K. Goca Më: 19 korrik 2025 Në ora: 15:10
Afrim Abazi

Kosova është rasti më i veçantë në historinë e njerëzimit!

Vitet e 90-ta janë rasti më i veçantë i Kosovës, ku në çdo sferë janë zhvilluar aktivitetet jashtë institucioneve dhe objekteve tona sportive për faktin se ato ishin uzurpuara nga okuaptori serb.

Garat sportive janë zhvilluar në livadhe e fusha të improvizuara dhe vazhdimisht nën kërcënime të rënda nga regjimi serb.

Një rast interesant e ka treguar edhe shoferi i autobusit të asaj kohe, Bedriu, i cili ishte duke bartuar futbollistët e Ferizajt.

“Ishim duke shkuar për në fshatin Novosellë. Milicia serbe na ndali në hyrje të Gjakovës! Milici e pa autobusin me veshje sportive dhe bërtiste e shante me aq fuqi që kishte e në gjuhën serbe!

Ku po shkoni? Unë nuk iu përgjigja, mbeta i shtangur!!! Ndërkohë, kryetari i klubit të Ferizajt, Afrim Abazi, nuk e di si e mori atë guxim dhe reagoi me gjakftohtësi! ‘Unë jam kryetar i klubit’!

Po shkojmë të zhvillojmë një ndeshje futbolli në Novosellë.

Një ndeshje në kuadër të Kampionatit të Republikës së Kosovës”, ia ktheu Afrim Abazi milicit. Ndërkohë, milici si i çartur, i thotë:

“Pasi po e tregoni të vërtetën, ikni e mos të ju shoh, vazhdoni rrugën, ndryshe do të ishit rrahur keq”, ka treguar Bedriu para një kohe.

Kjo ngajrje edhe sot i kujtohet Afrim Abazit dhe ende nuk e di se si shpëtuan pa u rrahur e arrestuar në ndalesën që ndodh në hyrje të Gjakovës.

Afrim Abazi ka dhënë kontribut të madh në futboll gjatë gjeneratës së sakrificës.

comment Për komente lëvizni më poshtë
Sot mund të lexoni Shfletoni kopertinat