SC Gjilani merr dy lojtarë në ekipin e parë nga grupmoshat e reja

Futboll

SC Gjilani merr dy lojtarë në ekipin e parë nga grupmoshat e reja

Më: 7 gusht 2025 Në ora: 19:28
Pamje

Sport Club Gjilani ka njoftuar se dy futbollistë të talentuar nga grupmoshat e akademisë sonë, Ermal Sadiku dhe Leart Kerqeli, janë bashkuar zyrtarisht me ekipin e parë.

Të dy futbollistët kanë kaluar me sukses të gjitha fazat zhvillimore në kuadër të shkollës sonë të futbollit, duke dëshmuar përkushtim, disiplinë dhe potencial të jashtëzakonshëm.

Sadiku, 18 vjeçar, i cili luan në pozitën e mesfushorit, dhe Kerqeli (19), sulmues krahu, kanë qenë pjesë aktive e fazës përgatitore të ekipit të parë që nga dita e parë, përfshirë edhe kampin veror të zhvilluar në Bansko.

Kjo është një dëshmi konkrete e filozofisë së klubit tonë për të kultivuar dhe promovuar talentet e brendshme, duke u ofruar mundësi reale për afirmim në nivelin më të lartë të garave.

Bashkimi i Sadikut dhe Kerqelit me ekipin e parë është një motiv shtesë për të gjithë të rinjtë e Shkollës së Futbollit Gjilani që të vazhdojnë të punojnë fort dhe me pasion drejt realizimit të ëndrrave të tyre sportive.

comment Për komente lëvizni më poshtë
Sot mund të lexoni Shfletoni kopertinat