Fjalët e Tovërlanit para finales me Dritën

Futboll

Fjalët e Tovërlanit para finales me Dritën

Më: 24 janar 2026 Në ora: 20:42
Afrim Tovërlani

Trajneri i FC Prishtinës, Afrim Tovërlani, ka dhënë detaje nga përgatitjet e skuadrës për finalen e Superkupës së Kosovës, që do të zhvillohet nesër në Antali të Turqisë ndaj FC Dritës.

Tovërlani deklaroi se skuadra ka kaluar një fazë shumë të mirë përgatitore, por tre ditët e fundit reshjet e shiut pa ndërprerje kanë penguar punën në fushë.

“Megjithatë, për aq kohë sa kemi qenë këtu, kemi pasur përgatitje shumë të mira. Ardhjet e reja në klub janë përshtatur mjaft mirë,” tha trajneri.

Ai shtoi: “Shpresoj që nesër të kemi një ndeshje të fortë dhe konkurruese.”

Ky takim pritet të jetë një duel i fortë mes dy klubeve të Superligës së Kosovës, ku FC Prishtina synon të nisë sezonin me trofe në koleksion. 

comment Për komente lëvizni më poshtë
Sot mund të lexoni Shfletoni kopertinat