​Allegri kërkon përforcime, Milani hedh sytë te ylli i Arsenalit

Futboll

​Allegri kërkon përforcime, Milani hedh sytë te ylli i Arsenalit

Më: 1 maj 2026 Në ora: 08:14
Foto ilustrim

Milani po shqyrton mundësinë e transferimit të sulmuesit të Arsenalit, Gabriel Jesus, për sezonin e ardhshëm. Sipas raportimeve nga mediat italiane, klubi kuqezi e ka rikthyer brazilianin në listën e dëshirave, pasi ka tentuar ta transferojë edhe në afatet e kaluara kalimtare.

Nevoja për një qendërsulmues mbetet një nga prioritetet kryesore të Milanit, duke pasur parasysh se opsionet aktuale nuk kanë bindur plotësisht gjatë këtij sezoni. Në këtë drejtim, trajneri Massimiliano Allegri ka zhvilluar një takim me drejtuesit e klubit për të diskutuar strategjinë e merkatos dhe përforcimet në repartin ofensiv.

Sipas burimeve, emri i Gabriel Jesus është një nga alternativat kryesore në listë. Sulmuesi 29-vjeçar ka kontratë me Arsenalin deri në vitin 2027 dhe konsiderohet si një mundësi e arritshme për klubin italian në rast se londinezët vendosin ta shesin.

Gjatë këtij sezoni, Jesus ka zhvilluar 25 paraqitje, duke realizuar pesë gola dhe duke dhënë dy asistime. Ai ka kaluar gjithashtu një periudhë të gjatë jashtë fushës për shkak të një dëmtimi serioz në gju, që e mbajti larg futbollit për disa muaj.

comment Për komente lëvizni më poshtë
Sot mund të lexoni Shfletoni kopertinat