Sot luhet java e 34-të e Kampionatit të Malit të Zi në futboll.
Të gjitha ndeshjet luhen sonte në orën 20.00, dy derbi që mund të vendosin kampionin, Sutjeska e Nikshiqit luan kundër skuadrës shqiptare Deçiqi dhe Buduçnosti ballafaqohet me Mornarin.
Kryesuesi Sutjeska sfidohet nga Deçiqi i Tuzit.
Skuadra shqiptare kërkon të kthehet e pamposhtur nga ky duel
“Luajmë para tifozëve tanë, kjo është gjithmonë një motivim shtesë.
E dimë sa i mirë është rivali ynë, e treguan këtë duke arritur në finalen e Kupës, por ne shikojmë vetëm veten, sepse e dimë sa të vlefshëm jemi dhe sa shumë mund të bëjmë”, theksoi trajneri i Sutjeskës, Milorad Pekoviq, para duelit me skuadrën shqiptare.
Sutjeska kryeson me 66 pikë, pasojnë Mornari 64, Deçiqi 51 pikë etj.