Fakulteti i Edukimit Fizik dhe Sportit (FEFS) ka pritur në një vizitë drejtorin e Qendrës së Studentëve, Ekrem Rudarin, njëherësh ish-student të këtij fakulteti.
Gjatë takimit është diskutuar për vazhdimin dhe thellimin e bashkëpunimit ndërmjet dy institucioneve, në kuadër të memorandumit të bashkëpunimit, duke vlerësuar punën dhe rezultatet e deritanishme të të dyja palëve.
Një nga temat kryesore të takimit ishte edhe organizimi i Lojërave Mesdhetare Prishtina 2030, me theks të veçantë në zhvillimin e infrastrukturës sportive që po realizohet në kuadër të këtij organizimi.
Në këtë drejtim, është diskutuar mundësia që infrastruktura sportive, pas përfundimit të garave të Lojërat , të vihet në shërbim të studentëve të FEFS-it.
Vëmendje e veçantë iu kushtua hapësirave sportive, përfshirë pishinat gjysmëolimpike, të cilat do të mund të shfrytëzoheshin për aktivitete mësimore dhe përgatitje profesionale.
Nga të dyja palët është vlerësuar rëndësia e bashkëpunimit ndërinstitucional dhe shfrytëzimit të kapaciteteve infrastrukturore në funksion të edukimit, zhvillimit sportiv dhe krijimit të kushteve më të mira për studentët.