U mbajt Kuvendi i Punës i FHK-së

Hendboll

U mbajt Kuvendi i Punës i FHK-së

Më: 7 prill 2022 Në ora: 22:21
U mbajt Kuvendi i Punës i FHK-së

Të enjten pasdite në Prishtinë është mbajtur Kuvendi i Rregullt i Punës i Federatës së Hendbollit të Kosovës. Punimet e Kuvendit i ka udhëhequr presidenti i FHK-së, Eugen Saraçini, ndërsa pjesëmarrës ishin 29 nga 43 delegatë sa numëron Kuvendi i Federatës tonë.

Nga delegatët ka pasur diskutime konstruktive që i kanë shërbyer mbarëvajtjes së punimeve, kurse të gjitha vendimet u votuan unanimisht.

Në Kuvendin e Punës, që është zhvilluar në atmosferë shumë të mirë, janë shqyrtuar dhe aprovuar raporte të shumta si: Raporti i Punës, Raporti Financiar dhe i Auditimit, Raporti i Këshillit Mbikqyrës, Plani i Veprimit dhe Plani Financiar për vitin 2022 si dhe plotësimet dhe ndryshimet në Statut.

Punimet e Kuvendit i monitoruan Ramiz Shala nga MKRS-ja dhe Besire Domaniku nga KOK-u.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat