Rahoveci e Besa Famgasi nuk kanë lejuar befasi në ndeshjet e së dielës, të vlefshme për xhiron e 21-të të Superligës së Kosovës në hendboll në konkurrencë të meshkujve.
Pas disfatës nga Kastrioti, kampioni në fuqi, Rahoveci, u kthye te fitorja. E mposhti në shtëpi skuadrën e Llapit me rezultat 47:26.
Granit Kadiri me 10 gola dhe Lulzim Shabani me tetë ishin më efikasët te “vreshtarët”.
Te Llapi nga gjashtë gola i shënuan Cristiam Machado dhe Jefferson Bastos.
Rahoveci është i dyti me 36 pikë, derisa Llapi mban vendin e pestë me 15 pikë.
Ndërkohë Besa Famgas fitoi ndaj Vëllaznimit me rezultatin 41:26.
Ndeshja u zhvillua në Pejë.
Për ekipin pejan 12 gola i realizoi Jon Vokshi, kurse Deniz Terziqi i shtoi tetë. Ardi Halili me tetë dhe Arnis Spahija me gjashtë gola ishin më efikasët te skuadra gjakovare.
Besa Famgas renditet e treta me 32 pikë nga 20 ndeshje. Vëllazniomi është i katërti me 20 pikë.