Protestë: Kundër dhunës seksuale ndaj vajzave dhe grave

Kosova

Protestë: Kundër dhunës seksuale ndaj vajzave dhe grave

Më: 27 maj 2021 Në ora: 15:08
Njoftimi

Të premten, më 29 maj, Kolektivi për Mendim dhe Veprim Feminist do te organizoje protestën: Kundër dhunës seksuale ndaj vajzave dhe grave.

Protesta do të filloje nga ora 12:00 nga qendren e qytetit të Deçanit. 

Gjeni me poshte thirrjen dhe linkun e eventit ne Facebook:

Javët e fundit kanë qenë tregues të qartë që ngacmimi seksual, sulmet seksuale dhe përdhunimet mbesin disa nga format më të shprehura të dhunës me bazë gjinore ndaj vajzave dhe grave. Ndërsa, trupat e vajzave dhe grave mbesin terren i sundimit patriarkal dhe dominimit të tyre nga burrat.

Rastet e ditura të dhunës seksuale dhe ato që nuk arrijnë të dalin kurrë në sipërfaqe po na tregojnë për natyrën epidemike të këtij problemi, thellësisht gjinor. Si e tillë, ajo është duke ua cënuar jetën dhe sigurinë vajzave e grave në çdo cep dhe hapësirë, duke përfshirë këtu institucionin e familjes, shkollës, policisë e deri tek institucionet më të larta shtetërore. Institucionet, në rastin e vajzave dhe grave janë vetë fajtorët të cilët e ushqejnë mendësinë dhunuese dhe e mirëmbajnë dominimin burror karshi grave.

Dhuna seksuale ndaj grave është evidente në çdo qytet, fshat e lagje. E edhe rezistenca e kundërshtimi ynë i organizuar duhet të shtrihet në çdo qytet, fshat e lagje. Andaj, këtë të shtunë, duke filluar nga ora 12:00, në qendrën e qytetit të Deçanit, organizohemi në protestë, për ta kundërshtuar dhunën seksuale dhe për të kërkuar drejtësi e siguri për vajzat e gratë, kudo që janë.

*Protestueset/it duhet t'i respektojnë udhëzimet e IKShPK-së dhe Ministrisë së Shëndetësisë për frenimin e përhapjes së COVID – 19 duke u pajisur me maska dhe mbajtur distancimin fizik.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat