Komuna e Vushtrrisë ndanë 69 bursa për studentë

Kosova

Komuna e Vushtrrisë ndanë 69 bursa për studentë

Më: 22 qershor 2021 Në ora: 17:50
Pamje nga takimi

Drejtoria Komunale e Arsimit në Vushtrri ka ndarë 69 bursa për studentë të rregullt të nivelit Baqelor në Komunën e Vushtrrisë për vitin akademik 2020/2021. Deri më tani 38 studentë kanë qenë përfitues të bursës, ndërsa pritet që edhe 31 studentë të tjerë të përfitojnë shumë shpejt nga kjo bursë.

Për dallim nga vitet e kaluara, Komuna e Vushtrrisë këtë vit ka dyfishuar numrin e bursave të cilat i ka ndarë për studentët e komunës.

Me këtë rast, kryetari i komunës, Xhafer Tahiri, së bashku me nënkryetarin, Afrim Namani dhe me drejtoreshën e arsimit, Ragbete Krasniqi, sot kanë mbajtur një takim me studentët përfitues të bursës komunale si dhe me nxënësit e shpërblyer në gara komunale.

“Jam i lumtur qe kemi arrit këtë vit të dyfishojmë numrin e bursave mirëpo nuk është ende mjaftueshëm, ende ka shumë punë për të bërë megjithatë dyfishimi i numrit të bursistëve të komunës sonë është një arritje që ia vlenë të flasim për të”, u shpreh kryetari Tahiri.

Kryetari Xhafer Tahiri ndër të tjera tha se Komuna do të vazhdoj të mbështetës nxënësit dhe studentët e dalluar edhe në vazhdim me projektet e radhës dhe i inkurajoi të rinjtë që të kenë ambicie të larta në mësime dhe të vazhdojnë të punojnë edhe më shumë.

comment Për komente lëvizni më poshtë
Sot mund të lexoni Shfletoni kopertinat