IHMK bën thirrje që të moshuarit të kenë kujdes nga i nxehti

Kosova

IHMK bën thirrje që të moshuarit të kenë kujdes nga i nxehti

Më: 8 korrik 2021 Në ora: 08:50
Foto ilustrim

Instituti Hidrometeorologjik i Kosovës kërkon nga të moshuarit që të kenë kujdes që sot të mos dalin shumë në diell

Në një njoftim të IHMK-së thuhet se nga ora 9:00 e mëngjesit deri në 17:00 personat e shtyrë në moshë duhet mundësisht të mos jenë në kontakt direkt me rrezet e diellit.

“Në fushat termike do të kemi rritje graduale, duke bërë që merkuri në termometër të arrijë vlera rreth 35-36 gradë Celsius, deri sa minimalet mbeten po thuaj të ngjashme me vlerat e ditëve të fundit”.

“Indeksi UV do të shënoj vlera të rritura që nënkupton rrezik për një shtresë të popullatës që kanë sëmundje kronike, gjithashtu këto vlera të indeksit UV janë të padëshirueshme edhe për njerëzit në moshë, prandaj këshillat e IKSHP që nga ora 9-17 mundësisht të mos jemi në kontakt direkt me rrezet e diellit”, thuhet njoftimi në IHMK.

comment Për komente lëvizni më poshtë
Sot mund të lexoni Shfletoni kopertinat