Shkurti fillon me reshje intensive të borës

Kosova

Shkurti fillon me reshje intensive të borës

Më: 28 janar 2022 Në ora: 17:44
Ilustrim

Gjatë fundjavës do të mbajë mot me vranësira, borë e kthjellime, kurse muaji shkurt fillon me mot të ftohtë dhe me reshje intensive të borës.

Sipas Prishtina Weather të  shtunën do të mbajë mot i ftohtë, vranësira dhe reshje të dobëta bore.  Ditën e diel, pas mëngjesit me ngrica, pasdite kalimi i një sistemi frontal sjell sërish vranësira e mundësi për reshje të dobëta bore apo edhe shiu.

Të hënën vranësirat do të shtohen e në mbrëmje priten së pari të reshura shiu, që më pas nga e marta me rënie të temperaturave shndërrohen në borë.

Vende-vende reshjet e borës mund të jenë më intensive që formojnë edhe një shtresë të konsiderueshme bore.

Temperaturat do të jenë të ndryshueshme në ditët vijuese. Minimalet zbresin në -1C e -7C, ndërsa maksimalet pas një rënie të shtunën në 1C, nga dita e diel rriten në 4C e 5C, për të pësuar rënie ditën e martë edhe në 1C.

Era do të fryjë kryesisht nga krahu verior, të shtunën edhe mesatare 5-10m/s, e ditën e hënë e lehtë nga juglindja 1-5m/s.

Shtypja atmosferike mbetet lartë mbi vlera normale, me tendencë të rënies më të thellë në fillim të javës së ardhshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat