​Ngjarjet e datës 5 korrik

Kosova

​Ngjarjet e datës 5 korrik

Më: 5 korrik 2022 Në ora: 00:15
Foto ilustrim

Mbahet takimi në mes të delegacionit amerikan të MCC-së dhe atij të Republikës së Kosovës në lidhje me programin Kompakt të MCC-së. (Ndërtesa e Qeverisë, Salla - P38, ora 09:00 – 11:30)

Mbahet ceremonia e pranim/dorëzimit të kamionëve të rinj për mbledhjen dhe bartjen e mbeturinave në regjionin e Ferizajt, donacion ky nga Qeveria e Japonisë. Të pranishëm: ambasadori jo-rezident i Japonisë në Kosovë, Akira Mizutani, ministri i MPHI-së, Liburn Aliu, kryetari i Ferizajt, Agim Aliu, kryetari i Kaçanikut, Besim Ilazi dhe kryetari i Shtimes, Qemajl Aliu. (Sheshi para ndërtesës së vjetër të Komunës së Ferizajt, ora 09:00)

Komisioni për Çështje të Sigurisë dhe Mbrojtjes shqyrton propozim-amendamentet për Projektligjin për Komisionarin Parlamentar për Forcën e Sigurisë së Kosovë. (Kuvendi i Kosovës, salla N-225, ora 10:00)

Universiteti “Haxhi Zeka” në Pejë dhe Institute for Economic Research and Legal Studies (IERLS) me seli në Prishtinë, organizojnë tryezën shkencore “Pandemia COVID-19, masat e qeverisë në përgjigje të pandemisë dhe efekti i saj në ekonomi: a ishin masat të pashmangshme? Çfarë më tutje?” (Ndërtesa e Rektoratit UHZ, rruga “UÇK” p. n., Pejë, ora 10:00 – 13:00)

Komisioni për Ekonomi, Industri, Ndërmarrësi dhe Tregti shqyrton raportin vjetor të Autoritetit të Konkurrencës të Republikës së Kosovës – AKRK për vitin 2021. (Kuvendi i Kosovës, salla N-10, ora 11:00)

Komisioni për Mbikëqyrjen e Financave Publike shqyrton raportin e Auditimit për pasqyrat financiare vjetore të Universitetit të Prishtinës, për vitin 2021. Të ftuar: rektori i UP-së Naser Sahiti dhe u.d. sekretari i Përgjithshëm, Besfort Krasniqi.(Kuvendi i Kosovës salla N-303, ora 11:00)

Auditorja e Përgjithshme, Vlora Spanca, mban konferencë për media, me rastin e përfundimit të sezonit auditues 2021/22 dhe procesit të publikimit të 121 raporteve të auditimit. (Zyra Kombëtare e Auditimit, rr. “Ahmet Krasniqi”, 210, lagjja “Arbëria”, Prishtinë, ora 11:00)

Instituti Demokratik i Kosovës (KDI) shpalos të gjeturat nga monitorimi i punës së Kuvendit për gjashtë muajt e parë të sesionit pranveror me fokus në çështjen e mungesës së kuorumit dhe shqyrtimit të projektligjeve. (Instituti Demokratik i Kosovës, Prishtinë, ora 11:00)

UBT nënshkruan marrëveshje me universitete nga shteti i Iowa-s, me University of Northern Iowa dhe University of Iowa, në shtrirjen e bashkëpunimit në fushën e edukimit, shkencës dhe arsimit. (Kampusi i UBT-së, Lipjan, te QMI, ora 12:00)

Komisioni për të Drejtat e Njeriut prezanton Draft-ligjin për Mbrojtje nga Dhuna në Familje dhe Dhuna në Baza Gjinore, nga eksperti Hilmi Jashari, i angazhuar nga UN Women. (Kuvendi i Kosovës, salla N-303, ora 13:00)

Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Shëndetësor. (Kuvendi i Kosovës, salla N-204, ora 13:00)

Komisioni Hetimor Parlamentar në lidhje me menaxhimin e krizës energjetike nga Qeveria e Kosovës mban diskutim dhe votim eventual të emrave të ekspertëve. (Kuvendi i Kosovës, salla N-303, ora 13:00)

Kryetari i Kuvendit të Republikës së Kosovës, Glauk Konjufca, pret në takim ambasadorin japonez, Akira Mizutani. (Kabineti i kryetarit, ora 13:30, pamje në fillim të takimit) 

Prokurori në rastin Gucati-Haradinaj – konferenca para apelit 14:00. (Hagë, ora 14:00)

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat