Shkolla në Deçan zëvendëson grevën me protestë

Kosova

Shkolla në Deçan zëvendëson grevën me protestë

Më: 26 shtator 2022 Në ora: 10:22
Foto ilustrim

Shkolla “Lidhja e Prizrenit” në komunën e Deçanit do të nisë sot procesin mësimor në javën e pestë të grevës.  Kështu ka njoftuar drejtori i kësaj shkolle, Qazim Maloku.

Shkolla në fjalë vendosi që grevën ta zëvendësojnë me protestë e cila do të mbahet çdo ditë para hyrjes së objektit shkollor.

Njoftohen nxënësit dhe prindërit që pas një analize dhe diskutimi të mbajtur të premten me mësimdhënësit e shkollës sonë me 23.9.2022 u vendos që mësimi të fillojë të hënën me 26.09.2022! Ne, njëzëri u dakorduam që grevën ta përkrahim me protestë në rrugë para hyrjes së shkollës nga mësimdhënësit e të dy ndërrimeve, duke filluar në 12:15 deri në 12:45 çdo ditë pune deri në realizimin e kërkesave tona të parashtruara nga SBASHK-u! Organet e policisë në Deçan janë të njoftuar me protestën dhe kohën e mbajtjes. Me respekt drejtori i shkollës!”, thuhet në njoftim.

Kujtojmë se greva e thirrur nga Bashkimi i Sindikatave të Pavarura të Kosovës më 25 gusht tashmë ka hyrë në javën e pestë, pjesë e së cilës është edhe arsimi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat