Drejtori komunal i Shëndetësisë Izet Sadiku dhe drejtorja e Arsimit në Prishtinë Besianë Musmurati, do të vizitojnë shkollën fillore “Shkëndija” në Hajvali. (Ora 09:00)
Drejtori i Zyrës për Rritje Ekonomike të USAID-it në Kosovë, Joshua Mike do të flasë në hapjen e edicionit të dytë të Forumit të Sektorit të Ushqimit – Lidhja e Ofertës me Kërkesën. (Hotel “Emerald”, Prishtinë, ora 09:30- 17:00)
Komisioni për Mbikëqyrjen e Financave Publike shqyrton raportin e Auditimit për pasqyrat vjetore financiare të MASHTI-t, për 2021. E ftuar ministrja e MASHTI-t Arbërie Nagavci. (Kuvendi i Kosovës, salla N-302, ora 10:00)
Komisioni për të Drejtat e Njeriut takim me: Bujar Ejupi - Drejtor i përgjithshëm në Autoritetin e Aviacionit Civil, Naim Qelaj – Avokat i Popullit, dhe Jeton Koca – kryetar i Këshillit të Pavarur Mbikëqyrës për Shërbimin Civil të Kosovës.(Kuvendi i Kosovës, salla N-303, ora 10:00)
Komisioni për Punë të Jashtme dhe Diasporë takim me ambasadorin e Zvicrës në Kosovë, Thomas Kolly. (Kuvendi i Kosovës, salla N-506, ora 10:00)
Shënohet ditëlindja e Heroit Zahir Pajaziti. (Shkolla Fillore “Zahir Pajaziti”, Orllan, ora 10:00)
Ministrja e Ekonomisë Artane Rizvanolli raporton në Komisionin për Ekonomi, Industri, Ndërmarrësi dhe Tregti lidhur më furnizimin më energji elektrike në vend si dhe funksionin e ndërmarrjeve në fushën energjisë. (Kuvendi i Kosovës, salla N-10, ora 11:00)
Unioni i Studentëve Proeuropian, Opinioni i Pavarur Studentor dhe Paqja Studentore (UDS-USPE-OPS-PS), do të kërkojnë edhe zyrtarisht nga Ministria e Arsimit që të shpallë zgjedhjet e përgjithshme në Universitetin e Prishtinës. (Pranë ndërtesës së MASHTI-t, ora 11:00)
Ministri i Kulturës, Hajrulla Çeku raporton në Komisionin për Arsim, Shkencë, Teknologji, Inovacion, Kulturё, Rini dhe Sport, lidhur me punën, prioritetet dhe sfidat e Ministrisë së Kulturës, Rinisë dhe Sportit.(Kuvendi i Kosovës, salla N-506, ora 12:00)
Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston dëshmitarët për periudhën 2008-2011: Justina Pula – Shiroka, ish-ministre e Ekonomisë, Lutfi Zharku, ish-ministër i Tregtisë dhe Industrisë, Ahmet Shala, ish-ministër i Ekonomisë. (Kuvendi i Kosovës, salla N-303, ora 13:00)
Komisioni për Çështje të Sigurisë dhe Mbrojtjes inicion procedurën për zgjedhjen e Komisionarit Parlamentar për Forcën e Sigurisë. (Kuvendi i Kosovës, salla N-204, ora 13:00)
Komisioni për Mjedis, Ushqim, Bujqësi, Planifikim dhe Zhvillim themelon grupin punues për Projektligjin e Vlerësimit të ndikimit në mjedis. (Kuvendi i Kosovës, salla N-302, ora 13:00)
Institucioni i Avokatit të Popullit dhe organizata jo-qeveritare Handikos prezantojnë rastin e Faruk Kukajt, i cili së fundmi ka fituar në shkallë të parë padinë kundër Komunës së Prishtinës për diskriminim në qasje infrastrukturore, rast i zgjidhur pozitivisht nga intervenimi me Amicus Curiae të IAP. (Selia e OJQ Handikos, Veternik, Prishtinë, ora 14:00)
Kryetari i Prizrenit, Shaqir Totaj, mban takim me përfaqësuesit e “American Advising Center”, qendër zyrtare e rrjetit EducationUSA Kosovo themeluar nga Departamenti i Shtetit Amerikan përmes Ambasadës amerikane në Prishtinë. (Shtëpia e Bardhë, Prizren, ora 14:00)
Blerta Tmava Veselaj përuron librin me poezi “Fjalë shpirti”. (Galeria e Arteve Ferizaj, ora 16:00)
