Ngjarjet e datës 28 shtator, 2023
Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit mban mbledhje. (Kuvendi i Kosovës, salla N204, ora 9:30)
Iniciativa Kosovare për Stabilitet (IKS) në bashkëpunim me Federatën e Sindikatave të Shëndetësisë të Kosovës organizojnë tryezë të rrumbullakëtnë lidhje me Ligjin për Pagat në Sektorin Publik. (Hotel “Sirius”, Prishtinë, ora 9:30)
Bëhet hapja e ngjarjes finale të projektit SIRED (Zhvillimi i Qëndrueshëm dhe Gjithëpërfshirës Ekonomik Rural) i zbatuar nga Caritas-i zviceran. (Klan Arena, Prishtinë, ora 9:30)
Komisioni për Administratë Publike, Pushtet Lokal, Media dhe Zhvillim Rajonal shqyrton draft-planin e punës së Komisionit, për sesionin vjeshtor 2023. (Kuvendi i Kosovës, salla N10, ora 10:00)
Zëvendëskryeministrja Emilija Rexhepi organizon tryezën e rrumbullakët me rastin e Ditës Kombëtare të Boshnjakëve. (Ndërtesa e Qeverisë, ora 10:00)
Kuvendi Komunal i Deçanit mban mbledhjen e tetë të rregullt për këtë vit. (KK Deçan, ora 10:00)
Komisioni për të Drejtat dhe Interesat e Komuniteteve dhe Kthim shqyrton draft-planin e punës së Komisionit, për sesionin vjeshtor 2023. (Kuvendi i Kosovës, salla N302, ora 10:30)
Bëhet promovimi i librit “Simbole të lirisë” i autorit Musa Emini. (Teatri “Adriana”, Ferizaj, ora 11:00)
Kuvendi i Kosovës mblidhet në seancë të re plenare (Kuvendi i Kosovës, salla e seancave, ora 11:00)
Bëhet prezantimi i gjashtë projekteve komunitare të mbështetura nga projekti FIERC. (Qendra Kosovare për Studime të Sigurisë, Prishtinë, ora 11:00)
Mbahet ceremonia e nënshkrimit të Projektit për Qeverisje Dixhitale. Projekti për Qeverisje Dixhitale do të nënshkruhet nga ministri i Financave, Punës dhe Transfereve, Hekuran Murati dhe drejtori i Bankës Botërore për Kosovë dhe Maqedoni, Massimiliano Paoluçi. (Ndërtesa e Qeverisë, salla P-38, ora 11:00)
