Kryeministri Albin Kurti ka deklaruar se Podujeva ka njohur zhvillim të madh gjatë katër viteve të fundit, me investime në arsim, shëndetësi dhe infrastrukturë.
Ai tha se numri i çerdheve është rritur nga një në nëntë dhe se është ndërtuar Poliklinika Specialistike me vlerë 2.43 milionë euro, që ofron 15 shërbime dhe repart dialize. Kurti premtoi se në mandatin e ardhshëm do të ndërtohen impianti i ujërave të zeza, ngrohtorja qendrore dhe Zona Industriale.
Ai u bëri thirrje qytetarëve të Podujevës ta votojnë Shpejtim Bulliqin dhe Lëvizjen Vetëvendosje me numrin 105, “për të vazhduar zhvillimin dhe progresin”.
Postimi i plotë:
Projekte të prekshme për qytetarët e investime të qëndrueshme ka pasur Podujeva këto 4 vjet. Në arsim, e gjetëm Podujevën me vetëm 1 çerdhe. Tash i ka 9 të tilla të cilat i kemi ndërtuar me kryetarin Shpejtim Bulliqi e në mandatin e tij të ardhshëm do t'i shtojmë edhe 14 të tjera.
Në shëndetësi kemi bërë një hap të madh përpara me përurimin e Poliklinikës Specialistike, një investim prej 2.43 milionë euro, që ofron 15 shërbime specialistike, e ku funksionon reparti i dializës, që më parë mungonte. Sot pacientët marrin kujdesin e domosdoshëm pa pasur nevojë të udhëtojnë jashtë Podujevës.
Mandatin e ardhshëm do ta ndërtojmë impiantin e ujërave të zeza, ngrohtoren qendrore të qytetit dhe Zonën Industriale, e cila do të sjellë rritje ekonomike e krijojë vende të reja pune duke e kthyer Podujevën në një qendër prodhimi e zhvillimi.
Nesër nuk ka dilema. Podujeva e voton Shpejtim Bulliqin dhe Lëvizjen VETËVENDOSJE! me numrin 105, për të vazhduar punën e mirë e të drejtë, zhvillimin dhe progresin për qytetin dhe fshatrat.