Parashikimi i motit për të martën

Kosova

Parashikimi i motit për të martën

Më: 26 janar 2026 Në ora: 23:32
Foto ilustrim

Të martën parashikohet që reshjet e shiut të vazhdojnë deri në orët e mëngjesit, ndërsa më të intensifikuara pritet të jenë në Rrafshin e Kosovës, veçanërisht në pjesët lindore dhe juglindore të vendit. Në zonat malore, si dhe lokalisht në zonat më të ulëta, priten reshje bore.

Gjatë pjesës së parë të ditës, vranësirat do të fillojnë të tërhiqen gradualisht nga perëndimi në drejtim të lindjes, ndërsa reshjet në lindje të vendit pritet të pushojnë dhe të tërhiqen gradualisht gjatë orëve të pasdites.

Era do të fryjë drejtimesh të ndryshme, e cila herë pas here mund të jetë e fuqishme, me shpejtësi prej 10-41 km/h.

Temperaturat minimale do të lëvizin prej 3 deri në 5°C, ndërsa ato maksimale prej 7 deri në 12°C. 

comment Për komente lëvizni më poshtë
Sot mund të lexoni Shfletoni kopertinat