​UP-ja hap Institutin e Farmacisë

Kosova

​UP-ja hap Institutin e Farmacisë

Më: 24 prill 2026 Në ora: 11:06
Foto ilustrim

Sot është lansuar Instituti i Farmacisë në Universitetin e Prishtinës.

Ministri i Arsimit, Shkencës dhe Inovacionit, Hajrulla Çeku, e cilësoi këtë si një moment shumë të rëndësishëm për Universitetin e Prishtinës dhe për zhvillimin e arsimit të lartë në vend. Ai theksoi se kjo nuk është vetëm një hap organizativ, por një forcim i lidhjes mes arsimit, profesionit dhe nevojave reale të shoqërisë.

Duke theksuar rendësin e këtij instituti, rektori i Universitetit të Prishtinës “Hasan Prishtina”, Arben Hajrullahu nënvizoi rëndësinë për qytetarët e Kosovës dhe pacientët që të kenë garanci se marrin barna cilësore, me përmbajtjen dhe paketimin e duhur.

Sipas tij, nëse asgjë tjetër, ky institut duhet të garantojë që në vendin tonë të sigurohet cilësia e barnave dhe të jetë në shërbim të publikut.

Ndërkaq, dekani i Fakultetit të Mjekësisë pranë UP-së, Sefedin Muccaj tha se instituti përfaqëson një hap në avancimin e kapaciteteve shkencore.

Ai tha se ky fakultet mbete i përkushtuar për zhvillimin e arsimit dhe shëndetësisë në vend.

comment Për komente lëvizni më poshtë
Sot mund të lexoni Shfletoni kopertinat