Këta janë viktimat e aksidentit tragjik të mbrëmshëm në Smrekonicë

Kronikë

Këta janë viktimat e aksidentit tragjik të mbrëmshëm në Smrekonicë

Më: 19 gusht 2026 Në ora: 08:35 Përditësuar në ora: 10:03 më 19.08.2026
Qëndrim Xhemajli dhe Rinor Zejnullahu

Viktimat e aksidentit të mbrëmshëm në Smrekonicë janë Qëndrim Xhemajli dhe Rinor Zejnullahu

Dy të rinj nga Mitrovica kanë humbur jetën në aksidentin tragjik të trafikut që ndodhi mbrëmë në Smrekonicë.

Viktimat janë: Qëndrim Xhemajli dhe Rinor Zejnullahu.

Rinor Zejnullahu, banor i Zhabarit shte njëri prej viktimave të aksidentit të rëndë.

Lajmi për vdekjen e dy të rinjve ka tronditur familjet, të afërmit dhe gjithë qytetin e Mitrovicës.

Në njoftimin e policisë, mes të tjerash thuhet.

Rreth orës 02:53, të datës 19 gusht 2026, në rrugën nacionale Mitrovicë–Prishtinë përkatësisht në segmentin rrugor në fshatin Smrekovnicë, ka ndodhur një aksident trafiku me fatalitet.

Dy të rinj humbin jetën në aksident trafiku në Smrekovnicë

Dy persona, 22 dhe 24 vjeç, kanë humbur jetën në një aksident trafiku që ka ndodhur rreth orës 02:53 të së mërkurës në rrugën nacionale Mitrovicë–Prishtinë, në segmentin rrugor në fshatin Smrekovnicë të Vushtrrisë, përcjell Bota sot.

Në aksident është përfshirë një veturë me dy persona, shoferin dhe pasagjerin. Të dy janë dërguar për trajtim mjekësor, por mjekët kanë konstatuar vdekjen e tyre.

Me urdhër të prokurorit, trupat e pajetë janë dërguar në Institutin e Mjekësisë Ligjore për obduksion.

Njësia Rajonale e Trafikut, në koordinim me prokurorin kompetent, po heton rrethanat dhe shkaqet e aksidentit.

comment Për komente lëvizni më poshtë
Sot mund të lexoni Shfletoni kopertinat