Një rast i posedimit të paautorizuar të substancave narkotike është raportuar mbrëmjen e së enjtes në Prishtinë.
Sipas raportit të Policisë së Kosovës, rasti ka ndodhur më 5 nëntor 2026, rreth orës 21:30, gjatë një kontrolli të realizuar ndaj një personi të dyshuar.
Gjatë kontrollit, zyrtarët policorë kanë gjetur dhe konfiskuar 2.2 gramë substancë të dyshuar narkotike të llojit marihuanë.
Personi i dyshuar është mashkull, shtetas i Kosovës, ndërsa pas gjetjes së substancës së dyshuar narkotike është shoqëruar për intervistim nga organet kompetente, transmeton “Bota sot”.
Pas intervistimit, me urdhër të prokurorit kompetent, i dyshuari është liruar në procedurë të rregullt.
Rasti është iniciuar si “Posedim i paautorizuar i narkotikëve”, ndërsa hetimet dhe procedurat e mëtejshme do të zhvillohen nga organet kompetente.