Vetëm në janar numri i rasteve aktive me COVID-19 në Maqedoni është rritur për mbi 11 mijë

Maqedonia

Vetëm në janar numri i rasteve aktive me COVID-19 në Maqedoni është rritur për mbi 11 mijë

Më: 17 janar 2022 Në ora: 08:58
Foto ilustrim

Nga fillimi i janarit 2022 deri dje, në 16 ditë, numri i rasteve aktive me COVID-19 është rritur me mbi 11 mijë. Nëse më 31 dhjetor 2021 numri i rasteve aktive ishte 5006, dje ishte 16132. Përqindja e rasteve pozitive gjatë fundjavës është rreth 22 për qind.

Dje (e diel, 16 janar) janë regjistruar 1348 raste të reja me COVID-19 nga 6141 testime ose 21.9 për qind. Nga numri total i rasteve pozitive (1348), janë regjistruar 145 riinfeksione, përcjell Telegrafi Maqedoni.

Në 24 orët e fundit janë raportuar tetë të vdekur dhe 784 të shëruar, njoftoi dje Ministria e Shëndetësisë, duke cituar të dhënat e Institutit të Shëndetit Publik.

Deri më tani në vend janë kryer gjithsej 1.706.696 testime për COVID-19. Numri i përgjithshëm i personave të diagnostikuar me Covid që nga fillimi i epidemisë është 244.632, numri i të shëruarve është 220.400, numri i të vdekurve është 8.100, ndërsa numri i rasteve aktive është 16.132, gjysma e të cilëve janë në Shkup.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat