Osmani në takim me Dirk Jan Kop: Holanda është partner i rëndësishëm i Maqedonisë së Veriut

Maqedonia

Osmani në takim me Dirk Jan Kop: Holanda është partner i rëndësishëm i Maqedonisë së Veriut

Më: 19 janar 2022 Në ora: 14:49
Dirk Jan Kop, Bujar Osmani

Ministri i Punëve të Jashtme Bujar Osmani, sot ka mirëpritur në takim ambasadorin holandez në vendin tonë, Dirk Jan Kop.

Në takim siç njoftojnë nga kabineti i Osmanit, është biseduar për prioritetet e politikës së jashtme të Maqedonisë, avancimin e marrëdhënieve fqinjësore, por edhe sfidat rajonale.

“Me Ambasadorin e Holandës, Dirk Jan Kop biseduam për prioritetet e politikës së jashtme të Maqedonisë së Veriut, avancimin e relacioneve të mira fqinjësore, por edhe për sfidat rajonale”.

“Holanda është partner i rëndësishëm dhe mbështetës i aspiratave euro integruese të Maqedonisë së Veriut dhe në këtë drejtim do të vazhdojmë të bashkëpunojmë edhe me Ministrin e sapozgjedhur holandez, Vopke Hoekstra”, thuhet në kumtesën e MPJ-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat