Maqedoni: Mjekët nesër përsëri në protestë, do të pranojnë vetëm raste urgjente

Maqedonia

Maqedoni: Mjekët nesër përsëri në protestë, do të pranojnë vetëm raste urgjente

Më: 3 mars 2022 Në ora: 16:10
Foto ilustrim

Nesër mjekët familjar dhe specialistët e kujdesit sekondar shëndetësor, nga Shoqata e Mjekëve Privatë do të protestojnë sërish në autoambulancat e tyre dhe nuk do të punojnë me pacientët e planifikuar përmes “Termini Im”, por do të marrin vetëm raste urgjente.

“Meqenëse askush nga autoritetet nuk na ka thirrur, vendosëm që sërish të mbajmë protestë paqësore, njoftoi në konferencën e sotme për media mjekja Lilija Çolakova Dervishova, kryetare e Shoqatës së Mjekëve Privat.

Kjo është revolta e tyre ndaj autoriteteve pas skadimit të afatit prej dy javësh për zbatimin e kërkesave të tyre të dhëna në takimin e përfaqësuesve të Asociacionit me zv. ministrin e Shëndetësisë Vlladimir Rendevski, të cilit pak më vonë iu bashkua edhe ministri i Shëndetësisë Bekim Sali.

Afati që ata dhanë ka qenë për formimin e grupeve të punës që do të punojnë për këtë çështje, ndërsa afati ka skaduar sot në mesditë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat