Propozimi francez për vendimin për veton i imponuar nga Bullgaria për fillimin e negociatave të Republikës së Maqedonisë së Veriut me Bashkimin Evropian është dërguar tek komisioni parlamentar për politikë të jashtme në Asamblenë popullore të Bullgarisë, njofton MPJ-ja bullgare duke iu referuar dy burimeve të pavarura.
Siç informon AIM, dje ambasadorja franceze Florens Rubin u takua me anëtarët e Grupit për miqësi me Francën në Asamblenë kombëtare. Në këtë takim u bisedua për dokumentin dhe nëse qeveria në Sofje e ka shumicën e nevojshme për ta pranuar.
Më vonë, bashkëkryetari i Bullgarisë Demokratike, Hristos Ivanov komentoi se për Bullgarinë do të ishte sukses nëse Maqedonia e Veriut pajtohet për t’i pranuar kushtet bullgare dhe BE-ja bëhet garanci për zbatimin e tyre.
Të mërkurën, qeveria bullgare ka vendosur t’i përmirësojë të gjitha propozimet për rastin me Maqedoninë e Veriut, përveç pozitës aktuale të Bullgarisë, nga Asambleja kombëtare e vendit.
Para një jave, kjo temë u bë arsye për largimin e “Ka një popull të tillë” nga koalicioni qeveritar në Bullgari.
