LSM: Greva po jep rezultate, pagat po rriten në nivel lokal

Maqedonia

LSM: Greva po jep rezultate, pagat po rriten në nivel lokal

Më: 25 qershor 2022 Në ora: 13:34
Foto ilustrim

Lidhja e Sindikatave sot përmes një komunikate njofton se greva po jep rezultate dhe se pagat vendore janë rritur.

Ata theksojnë se në tre ditët e para të grevës së përgjithshme në të gjithë sektorin publik tashmë janë rritur pagat e një numri të madh të punëtorëve të sektorit publik që punojnë në qytetin e Shkupit, komunat apo ndërmarrjet publike të themeluara nga Qyteti i Shkupit vetëm se janë harmonizuar për 2.806 denarë sipas rritjes së pagës minimale.

“Autoritetet lokale dhe kryetarët e komunave, së bashku me drejtorët e ndërmarrjeve publike, të cilët e kuptojnë nevojën për t’i ndihmuar punonjësit në këto momente të vështira, kuptojnë harmonizimin prej 2.806 denarë në pagat e punëtorëve në sektorin publik.

Kryetarët e qytetit të Shkupit, Danela Arsovska, i Komunës së Tetovës, Bilall Kasami dhe i Komunës së Manastirit, Toni Konjanovski tashmë kanë pranuar kërkesën kryesore të grevistëve për rritjen e pagave të punëtorëve në sektorin publik për 2.806 denarë në shumën neto sipas rritjes së pagës minimale dhe rritjes së pagave të punonjësve.

Në të njëjtën kohë, negociatat janë duke u zhvilluar dhe përmes dialogut social në nivel lokal pritet që në ditët në vijim kjo rritje t’u jepet punonjësve të sektorit publik në shumicën e komunave dhe ndërmarrjeve publike të themeluara prej tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat