Qeveria miratoi vendimin: Onishçenko mbetet pa shtetësinë e Maqedonisë së Veriut

Maqedonia

Qeveria miratoi vendimin: Onishçenko mbetet pa shtetësinë e Maqedonisë së Veriut

Më: 6 dhjetor 2022 Në ora: 19:23
Onishchenkos

Qeveria e Republikës së Maqedonisë së Veriut në seancën e sotme vendosi të anulojë vendimin për pranimin e Oleksandr Onishchenkos në shtetësi të Republikës së Maqedonisë së Veriut.

Vendimin Qeveria e ka marrë pas shqyrtimit të raportit të Ministrisë së Punëve të Brendshme, përmes të cilit njoftohet për mundësinë e heqjes së shtetësisë tashmë të dhënë, të cilën e ka kërkuar Qeveria në një seancë të mëparshme.

Vendimi i sotëm i Qeverisë është i bazuar në Ligjin për shtetësi të Republikës së Maqedonisë së Veriut.

Qeveria e ngarkoi Ministrinë e Punëve të Brendshme që të veprojë menjëherë pas vendimit për anulimin e vendimit për pranimin e Onishchenkos në shtetësi të Republikës së Maqedonisë së Veriut.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat