Pas nesh është një sezon ngrohjeje në kushte krize, në të cilën kemi hyrë me pasiguri, por treguam se shteti dhe institucionet kanë kapacitete, sezoni kaloi pa rritje të çmimit të energjisë elektrike dhe pa kufizime, ndonëse kishte pritshmëri dhe komente të tilla, tha anëtari i KQ të LSDM-së, Dario Nikollovski.
Nikollovski për “TVM” theksoi se qytetarët mund të jenë të qetë sa i përket furnizimit me rrymë dhe çmimit të rrymës.
“Shteti kujdeset për qytetarët dhe krijon kushte që rryma të mos rritet”, tha Nikollovski, duke shtuar se tarifa e lirë ditore do të kthehet nga 1 dhjetori.
Nikollovski shtoi se të gjitha politikat, masat dhe hapat që ndërmerren, mundësojnë kushte për investime serioze në energjinë e gjelbër, të cilat janë të një rëndësie të madhe për vendin dhe qytetarët tanë.Nga investimet e mëdha në energji, Nikollovski veçoi ndërtimin e hidrocentralit të Cebrenit, me vlerë mbi një miliardë euro, me kapacitet 333 megavat orë dhe parkun e erës së Virovit me kapacitet prej 400 megavatësh.
