Ajo që mund të them është se në periudhën e ardhshme organet e OBRM-PDUKM-së do të marrin vendim nëse do të marrin pjesë dhe mundësisht me cilët emra do të marrin pjesë në një qeveri të tillë, tha sot zëdhënësi i OBRM-PDUKM–së, Naum Stoilkovski, i pyetur nëse partia e tij do të marrë pjesë me ministrat e saj në qeverinë teknike, e cila duhet të hyjë në funksion në fund të janarit.
Në pyetjen e gazetarit “A do ta votonit Jovan Mitrevskin për kryetar të Kuvendit”, Stoilkovski tha se për momentin nuk është e rëndësishme.
“Nuk është e rëndësishme për momentin, e rëndësishme është që Talat Xhaferi me zgjedhjen nga Reçica e Vogël dhe me një shantazh nga BDI në LSD do të jetë kryeministër në periudhën e ardhshme pa legjitimitet”, tha Stoilkovski.
BDI në mbledhjen e djeshme propozoi Talat Xhaferin për kryeministër teknik të qeverisë kalimtare nga 28 janari deri në zgjedhjet e pranverës./
