Osmani dhe Ademi vizituan familjen e Bekteshit për Fitër Bajram: Kreshniku akuzohet padrejtësisht, e gjithë familja ka mbështetjen tonë

Maqedonia

Osmani dhe Ademi vizituan familjen e Bekteshit për Fitër Bajram: Kreshniku akuzohet padrejtësisht, e gjithë familja ka mbështetjen tonë

Më: 30 mars 2025 Në ora: 14:59
Pamje nga vizita

Ish-ministri i Punëve të Jashtme Bujar Osmani dhe zëdhënësi i BDI-së, Arbër Ademi, kanë vizituar familjen e ish-ministrit të Ekonomisë, Kreshnik Bekteshi i cili ndodhet në paraburgim për rastin me diskotekën “Puls” në Koçan, për festën e Fitër Bajramit.

“Gëzuar Bajramin, KRESHNIK!

Së bashku me Valbonën, Albinën dhe Arbrin, dhe me familjet tona, për Bajram tek Yllka, Hana dhe Trim Bekteshi si dhe prindërit e Kreshnikut.

Bajrami është një festë e shenjtë që simbolizon mëshirën, bashkësinë, mbështetjen, bujarinë dhe mirënjohjen.

Por mbi të gjitha, Bajrami na kujton qëndrueshmërinë tonë për t’u përballur me sfidat e jetës, duke na mësuar durimin dhe pjekurinë.

Sot është dita e duhur për të treguar se jo vetëm Kreshniku, por e gjithë familja Bekteshi ka mbështetjen tonë.

Jo vetëm sepse është një mik i vërtetë, jo vetëm sepse është pjesë e familjeve tona, por sepse është padrejtësisht i akuzuar dhe akoma më padrejtësisht i ndarë nga familja e tij.

Kreshniku është i fortë, i guximshëm dhe mbi të gjitha një njeri i drejtë—prandaj shumë shpejt e presim përsëri pranë nesh!”., ka shkruar Bujar Osmani në rrjetin social Fejsbuk.

comment Për komente lëvizni më poshtë
Sot mund të lexoni Shfletoni kopertinat