Karate është për të gjithë, dhe ‘të gjithë’ këtu nënkuptohen edhe njerëzit me aftësi të kufizuara fizike dhe mendore si verbëria, shurdhëria, autizmi dhe protezat.
Shumë njerëz e shikojnë karatenë ndryshe, sepse nuk kanë njohuri dhe imazhin e karatesë e përfytyrojnë vetëm nga filmat.
E vërteta e karatesë nuk ka të bëjë vetëm me luftime, sepse me karate fitohen disa aftësi të rëndësishme jetësore si: këmbëngulja, mprehtësia mendore, përqendrimi dhe vetë-kontrolli dhe këto aftësi që të gjithë mund t'i përdorin pavarësisht nga gjendja e tyre mendore ose fizike.
Në të vërtetë, mund të argumentohet se njerëzit me aftësi të kufizuara të caktuara kanë nevojë për mësime të jetës së karatesë edhe më shumë, për t'i ndihmuar ata të kapërcejnë handikapet që jeta u jep atyre në çdo hap.
Sepse ushtrimet e karatesë përveçse janë terapeutike, ato ndihmojnë me besim dhe vetëmbrojtje, dhe që të dyja këto mund të jenë të dobishme në situata kur një sulmues synon një person me aftësi të kufizuara për të qenë një shënjestër e lehtë stereotipike.
Por, është e rëndësishme të theksohet se rregullat origjinale të karatesë ishin krijuar për njerëzit pa aftësi të kufizuara. Goditjet, qëndrimet dhe sulmet, për shembull, ishin krijuar për t'u ekzekutuar duke përdorur dy duar dhe këmbë, derisa edhe shikimi ishte i rëndësishëm për kohën dhe përqendrimin, dhe si e tillë për karatenë, u bë e nevojshme të formoheshin disa rregulla adaptive për të akomoduar personat me aftësi të kufizuara në këto zona fizike.
Përshtatja e vetme më efektive e karatesë për t'iu përshtatur personave me aftësi të kufizuara nuk përqendrohet në ndryshimin e rregullave,por përkundrazi, ajo përqendrohet rreth qasjeve të trajnimit.
Trajnimi personal, në krahasim me trajnimin në grup, është përshtatja më e zakonshme për t'iu përshtatur studentëve me aftësi të kufizuara të karatesë, ku trajneri kërkon kohë për të vlerësuar aftësitë fizike dhe mendore të studentëve, pastaj harton një regjim trajnimi me disa qëllime:
Për të përdorur pjesët e afta të nxënësit, p.sh. përmirëson ekuilibrin në njërën këmbë.
Për të forcuar të metat e korrigjueshme, p.sh. të përmirësojë komunikimin verbal për nxënësit autikë.
Për të forcuar shqisat e dëgjimit kundrejtë verbërisë.
Për të forcuar shqisat e prekjes kundrejtë shurdhërisë.
Prandaj, mos hezitoni sepse karate është për të gjithë...
Autori është trajner i KK Kastrioti nga Ferizaj
