Dudaev nderon Shqipërinë

Sporti

Dudaev nderon Shqipërinë

Më: 29 mars 2022 Në ora: 21:19
Dudaev nderon Shqipërinë

Shqipëria ka mbyllur konkurrimin e saj në Kampionatin Europian të Mundjes që po mbahet në Budapest, duke u kthyer nga Hungaria me një medalje bronzi, të fituar nga Islam Dudaev në stilin e lirë.

Sportisti çeçen, i natyralizuar me pasaportë shqiptare disa muaj më parë, vazhdon të regjistrojë rezultatet të rëndësishme në arenën ndërkombëtare nën flamurin kuqezi.

Suksesi më i fundit erdhi në Europian, aty ku u ngjit në shkallën e tretë të podiumit për peshat 65 kg. Dudaev e nisi rrugëtimin në këtë event duke mposhtur në kualifikuese maltezin Adam Vella me rezultatin 10-0. Më pas në çerekfinale ai u mund nga hungarezi Iszmail Muszukajev në shifrat 10-0, por kaloi me suksesin sfidën për medaljen e bronztë, teksa mposhti 5-0 polakun Krzysztof Bienkowski, shkruan Panorama sport.

Një paraqitje e shkëlqyer nga Dudaev, që nderon Shqipërinë në një event kaq madhor siç është Kampionati Europian. Në këtë kompeticion kombëtarja jonë e mundjes u përfaqësua me 4 sportistë, të gjithë në stilin e lirë.

Përveç Dudaevit, garoi edhe Zelimkhan Abakarov në peshat 61, i cili fitoi kualifikueset por u mund në çerekfinale. Ndërsa Orges Lila në peshat 70 kg dhe Paris Karepi në 125 kg, u mundën që në raundin kualifikues.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat