Zhongleri Agim Agushi nuk ka të ndalur me rekordet e tij.
Drejtori për sport në komunën e Prishtinës, Granit Rugova, ka përgëzuar Agushin për suksesin dhe rekordin e radhës.
“Zotëruesi i shumëfishtë i Rekordeve Guinness, profi Agim Agushi, sot, në Prishtinë, i ka shtuar koleksionit të tij edhe një tjetër rekord.
Ai ka zhveshur 23 fanella duke zhongluar topin me kokë, duke vënë emrin e Kryeqytetit si arenë të rekordeve Guinness.
Krenar që si Drejtori për Sport - Komuna e Prishtinës kemi mbështetur këtë aktivitet, i cili, përtej suksesit personal të profesorit Agim, ngritë lartë Prishtinën tonë si qytet i sportit.
Profesor, urime për rekordin e ri dhe faleminderit që na nderove me këtë rekord botëror!”, ka shkruar Rugova në profilin e tij në facebook.
