Publikoi këngën e re, por pse fansat janë të bindur se Selena Gomez ia dedikon Justin Bieber-it?

Bota e Yjeve

Publikoi këngën e re, por pse fansat janë të bindur se Selena Gomez ia dedikon Justin Bieber-it?

Më: 17 janar 2021 Në ora: 06:42
Selena Gomez

Para dy sitësh, Selena Gomez publikoi këngën e saj të re, për të cilën fansat mendojnë se i dedikohet Justin Bieber nga fillimi deri në fund, shkruan “Us Magazine”.

“Ky është fillimi i diçkaje që unë kam dashur të eksploroj prej kohësh. Shpresoj ta doni aq shumë sa e dua dhe unë”, shkruante Selena në Instagram për këngën e re.

Kënga, e titulluar “De Una Vez”, ka një tekst shumë domethënës dhe fansat e këngëtares kanë nisur ta deshifrojnë.

Image

Ata kanë dal në përfundimin se projekti muzikor trajton temën e kapërcimit të thyerjes së zemrës, mbijetesës, identitetit dhe pavarësisë, i ngjashëm me hitin e saj të vitit 2019, “Love You to Love Me”.

“Nuk dhemb si më parë, jo. Plaga e dashurisë tënde u shërua. Një herë e përgjithmonë, jam më e fortë vetëm.

Nuk pendohem për të shkuarën. E di që koha e kaluar përkrah teje më preu krahët, por tani ky kraharor është i papërshkrueshëm nga plumbat”, thotë Selena në këngën e saj.

Image

Dhe kur vjen puna tek thyerjet e zemrës, fansat menjëherë mendojnë për Justin Bieber, me të cilin ajo ka qenë në një marrëdhënie për një kohë shumë të gjatë.

Megjithatë kënga i ka ndarë fansat në disa grupe. Ka nga ata që mendojnë se mund të jetë për një person tjetër dhe të tjerë që dëshirojnë që Gomez ta harrojë sa më shpejt Bieber.

Image

Nga ana tjetër në një intervistë të dhënë së fundmi për “Vogue”, Selena është shprehur:

“Është një këngë shumë e bukur dhe unë mendoj se ka një kuptim shumë të fuqishëm për të gjithë ata që ju është thyer zemra.

Image

Ne të gjithë kemi dhimbje dhe shenja nga eksperienca të ndryshme që kalojmë në jetë, por puna është se si ne e shërojmë veten.

Kjo këngë është jo vetëm për lënien pas të së shkuarës dhe faljen, por më e rëndësishmja, ka të bëjë edhe me forcën, të ecurit përpara dhe të nisurit kapitullin tënd të radhës”.

Shfaq komentet
comments powered by Disqus
Sot mund të lexoni Shfletoni kopertinat