Skandali me “Për’puthen”, reagojnë Sindi, Shqipja, Ana dhe Ledjana!

Bota e Yjeve

Skandali me “Për’puthen”, reagojnë Sindi, Shqipja, Ana dhe Ledjana!

Më: 30 janar 2021 Në ora: 10:47
Sindi, Shqipja, Ana dhe Ledjana!

Ditën e djeshme bënë xhiron e rrjetit fotot e bujshme të Teas, konkurrente e “Për’puthen” e cila doli nga programi si çift me Andin, teksa puthej në buzë me një ish-konkurrent të emisionit, Beartin nga Kosova.

Vetëm pak pak ditë pasi dolën si të dashuruar nga “Për’puthen”, Tea dhe Andi tronditën Shqipërinë me të vërtetat e tyre.

Pas konfirmimit të lidhjes së Teas dhe Beartit, Andi plasi bombën e tij nëpërmjet një shkrimi të gjatë në story, ku tregonte se kishte firmosur një kontratë në emision, e cila e kishte detyruar të dilte çift me Tean.

“Pertej kamerave fshihen letra, kontrata, firma dhe shume politika te tjera te shpifura sic ishte shfrytzimi i imazhit tim ! Kemi rene te gjithe pre e kesaj bote ne pamje te pare te bukur ama kur i vjen fundi kupton qe disa copa letrash te mbajn gojen mbyllur tek familjaret , miqt dhe publikut ! Por jo me tani po flas me ze te larte!”- shprehej Andi ndër të tjera.

Pas Andit erdhi edhe reagimi i Beartit, i cili konfirmoi nëpërmjet një videoje lidhjen e tij me Tean, teksa tregonte se kjo e fundit nuk kishte aspak faj.

“Tea është e pafajshme, Tea është viktima e kësaj situate, dhe jo vetëm ajo. Por më vonë do e mësoni gjithë të vërtetën e kësaj historie, ka rëndësi që gjithçka që është një dashuri e vërtetë, pse jo edhe më e bukura e gjithë dashurive”, është shprehur Bearti ndër të tjera.

Pas këtij skandali kanë reaguar edhe vajzat e emisionit “Për’puthen”, Sindi, Anda dhe Ledjana. Po ashtu edhe ish-konkurrentja Shqipe Hysenaj, e cila ishte e para që publikoi një foto të Teas dhe Beartit, duke u përpjekur të tregojë të vërtetën e lidhjes së tyre.

Pasi fjalët e Shqipes u vunë në vend, ajo publikoi një story “Thug Life”, foto e cila s’kishte nevojë për shumë koment.

Image
Shqipe

Në InstaStory, Sindi dha mendimin e saj për çiftin Tea-Beart dhe skandalin Tea-Andi.

“Të them të drejtën, nuk di çfarë të mendoj në lidhje me këtë temë. Do të dëshiroja të prisja një koment nga vetë protagonistët. Ju mund të thoni gjithçka për Shqipen, por gënjeshtra i paska këmbët e shkurtra, nuk e mohoni dot. Jam e zhgënjyer.”- shkruan Sindi.

Ndërkohë, Ana Kauri ka preferuar të flasë me fjalët e Dafinës në këngën “Zili zili”, teksa ka publikuar një video të sajën teksa dëgjohet teksti “Ju kanë rrejt, ju kanë bo budall“.

Gjithashtu, Ledjana e përshkroi me një memes situatën:

Image
Ledjana

Përsa i përket Melisës, ajo është e vetmja që ende nuk ka reaguar. Rikujtojmë se Fationi e paralajmëroi nëpërmjet një postimi në Story se dhe asaj do t’i dilte shumë shpejt e vërteta sheshit.

Shfaq komentet
comments powered by Disqus
Sot mund të lexoni Shfletoni kopertinat