Rita Ora ka ndarë me ndjekësit një pjesë të klipit të ri.
Këngëtarja shqiptare me famë ndërkombëtare, Rita Ora, po rikthehet pas një pauze të gjatë.
Artistja ka bërë të ditur se po vjen me një këngë të re, e cila titullohet “Bang” dhe vjen në bashkëpunim me David Guettan, Imanbek, Gunna dhe Khea.
Ajo ka publikuar një video të shkurtër, përmes së cilës zbulon disa sekuenca të këngës së re, klipi i të cilës vjen në formën e një mini-filmi.
“BANG. A jeni gati njerëz?! Mezi pres që ta dëgjoni dhe shikoni këtë!!! Mini-filmi im”, shkruan ndër të tjera Rita.
Kënga e re e Rita Orës do të publikohet më 12 shkurt.
