Princesha Geraldinë feston ditëlindjen e parë, mami Elia e përlotur: Parajsa ekziston

Bota e Yjeve

Princesha Geraldinë feston ditëlindjen e parë, mami Elia e përlotur: Parajsa ekziston

Më: 22 tetor 2021 Në ora: 14:23
Familja mbretërore

Si sot një vit më pare, Princ Leka dhe Elia Zaharia u bënë prindër për herë të parë.

Elia solli në jetë një vajzë, të cilën çifti e pagëzoi me emrin Geraldina, duke trashëguar emrin e Mbretëreshës.

Ndërkohë, pak minuta më herët, ajo ka ndarë në Instagram disa foto familjare, shoqëruar me një dedikim shumë emocionues për të bijën.

Elia thekson që prej një viti i ka ndryshuar jeta dhe ndihet shumë e bekuar nga Zoti.

“Si sot një vit më parë patëm takimin më të rëndësishëm në jetë, atë takim që pritet si asnjë tjetër! Kur e mora në krahë për herë të parë mu duk se Zoti ishte atje me ne! Sot vogëlushja jonë u bë 1 vjeç, e unë e shoh dhe përlotem kur mendoj sa shpejt iku ky vit i parë, më i bukuri dhe më intensivi i jetës sime! Prej një viti jam tjetër njeri, e bekuar nga Zoti që më bëri mamin e bebe Geraldinës! Prej një viti e kam zemrën plot dashuri, aq sa dua ti përqafoj të gjitha bebet e botës. Bebet janë prova që parajsa ekziston dhe na është dhuruar mbi tokë! Nuk ka fjalë që të shprehin urimet e mia për ty engjëll pushverdhë, por ajo që lutem më shumë është të rritesh e shëndetshme, me zemër të bardhë dhe e rrethuar me dashuri! Jeta qoftë bujare me ty vogëlushja ime e ëmbël! Mjalti i zemrës sime”, ka shkruar ajo krahas fotove.

Image
Familja mbretërore
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat