Zendaya shkëlqen me fustanin e dizajneres shqiptare

Bota e Yjeve

Zendaya shkëlqen me fustanin e dizajneres shqiptare

Më: 24 tetor 2021 Në ora: 09:36
Zendaya

Zendaya zgjodhi dizajneren shqiptare Nensi Dojaka për të përfunduar turneun promovues të filmit “Dune”.

Aktorja veshi një fustan të koleksionit Pranverë 2022 të Dojakës për premierën e filmit në Londër. Fustani është frymëzuar nga vitet ’90 dhe detaje të ngjashme janë parë edhe te koleksionet e mëparshme, të cilat janë veshur nga Bella Hadid, Emily Ratajkowski, Sophie Turner, Dua Lipa e të tjerë të famshëm.

Image

Fustani në nuancat e ngjyrës kafe kishte një bust me zbukurime grafike, me në qendër një zemër të kuqe.

“Kaq e emocionuar për këtë moment. Faleminderit pafundësisht @luxurylaw për vizionin tuaj të bukur dhe këtë mundësi të jashtëzakonshme për të veshur @Zendaya që lë pa frymë. Faleminderit Zendaya që e bëre këtë veshje edhe më të bukur.” – shkroi dizajnerja Nensi Dojaka.

Image

Në fillim të shtatorit, Dojaka u shpall fituese e çmimit LVMH për Dizajnerët e Rinj. Nensi mundi rreth 1,900 aplikantë nga 110 vende për t'u larguar me një çmim të madh prej 300,000 eurosh, plus një vit trajnim nga ekspertët e gjigantit luksoz LVMH Moët Hennessy Louis Vuitton, që përfshin markat Louis Vuitton, Dior, Guerlain, Givenchy, Off-White, Stella McCartney, Marc Jacobs, Fendi etj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat