Ava Max shkëlqeu me të kuqe në NRJ Music Awards 2022

Bota e Yjeve

Ava Max shkëlqeu me të kuqe në NRJ Music Awards 2022

Më: 20 nëntor 2022 Në ora: 00:29
Ava Max

Këngëtarja shqiptare me famë ndërkombëtare, Ava Max, ishte pjesë e ceremonisë më të madhe franceze të ndarjes së çmimeve, NRJ Music Awards 2022.

Ajo u shfaq e mahnitshme e veshur me një fustan të kuq elegant, me një të çarë anash që vinte në pah këmbën e saj atraktive.

Me flokët bionde të lëshuara lirshëm, artistja me origjinë nga Saranda dukej tejet tërheqëse në paraqitjen glamuroze të tapetit të kuq.

Image
Ava Max

Ajo ia besoi dukjen e saj në këtë event çmimesh, markës së famshme të veshjeve, “Givenchy”.

Ava Max u ngjit në skenën e madhe të NRJ Music Awards për të interpretuar live këngën e saj më të fundit, “A milion dollar baby”.

Image
Ava Max

Artistja ndërroi veshjen kur u paraqit në skenë, duke kënduar dhe dhuruar një performancë spektakolare për të pranishmit.

Këngëtarja, emri i vërtetë i së cilës është Amanda Ava Koçi ishte nominuar për çmimin “Artistja më e mirë ndërkombëtare e vitit” – kategori në të cilën u mund nga artistja Lady Gaga. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat